Հայաստանի էլեկտրական ցանցեր

«ՀԷՑ»-ը Project Finance Awards 2017-ի մրցանակակիր

Նորություններ

19.06.2018

«ՀԷՑ»-ի ներդրումային ծրագիրը EMEA Finance-ի «Project Finance Awards 2017» մրցանակաբաշխությունում շահել է «Կենտրոնական և Արևելյան Եվրոպայի լավագույն սոցիալական գործարք» մրցանակային փաթեթը:

«Զարգացման հիմքում են էլեկտրական ցանցի կառուցումը և քաղաքացիներին ու բիզնեսներին հոսանքով ապահովելը: Հայաստանի էլեկտրական ցանցերի (ՀԷՑ) 201 մլն ԱՄՆ դոլար արժողությամբ 5-ամյա ներդրումային ծրագիրը, որը նախատեսված է ընկերության բաշխիչ ցանցի արդիականացման և սմարթ հաշվիչների ներդրման համար, ֆինանսավորման համար արժանի ծրագիր է ՎԶԵԲ-ից և ԱԶԲ-ից ստանալով պահանջի առաջնային իրավունքով վարկ 160 մլն ԱՄՆ դոլարի չափով՝ ՀԷՑ-ը բռնել է ողջ Հայաստանում մարդկանց կյանքի որակը բարելավելու իր ճիշտ ուղին», ասել է Քրիստոֆեր Մուռը՝ EMEA Finance ամսագրի հրատարակիչը:

«Մեզ՝ EMEA Finance ամսագրի աշխատակիցներիս համար, պատիվ է կարողանալ ճանաչել այս ենթակառուցվածքային կարևոր ներդրումը, որը կօգնի ՀԷՑ-ին իր սպառողներին ապահովել մատչելի, հուսալի և կայուն էլեկտրամատակարարմամբ: Ծրագիրը կօգնի ընկերությանը բաշխել էլեկտրաէներգիան համաշխարհային ամենաբարձր չափանիշներին համապատասխան և կունենա անմիջական ազդեցություն՝ կրճատելով վատնումը և բարձրացնելով արդյունավետությունը, ինչն առանցքային է ընկերության բնապահպանական և կայուն շարունակական զարգացման սեփական նպատակներն իրագործելու հարցերում», - ասել է Մուռը: